Главная » 2021 » Iýun » 7 » Ökünmäýin
20:58

Ökünmäýin

ÖKÜNMÄÝIN

Arassaja eşigimi,
Ýamap geýsem deşigini.
Bir namardyň işigini,
Kakanyma ökünmäýin.

Dileginde sag başymyň,
Dostdan gurşalgy daşymyň,
Şatlygymdan göz ýaşymyň,
Akanyna ökünmäýin.

Käte-käte setir ýazyp,
Ony hem süzgüçden süzüp,
Bir kiçijek şygyr düzüp,
Okanymda sakynmaýyn.

Ýagşylykda bolsa adym.
Gowşatmasyn meniň badym.
Özgäň gazanan şöhratyn,
Men döşüme dakynmaýyn.

Giňlik sal meniň göwnüme,
Agram salsaňda egnime.
Degmäýin men dost göwnüne,
Duşmanymdan çekinmäýin.

Myhman kaksa işigimi,
Men ýumşatsam düşegini.
Bir maşgalaň keşigini,
Çekenime ökünmäýin.

Birden başa gelse ölüm,
Bagrym bolsa dilim-dilim.
Pursat bolsa ýeke salym,
Dert öňünde epilmäýin.

Azat NURGELDIÝEW.
Goşgular
Категория: Goşgular | Просмотров: 589 | Добавил: Azat_Nurgeldi | Теги: Azat Nurgeldiýew | Рейтинг: 1.0/1
Awtoryň başga makalalary

Goşgular bölümiň başga makalalary

√ Ýar laglyň arzuwlar men, jana bereý sen şypa... / Goşgular - 06.01.2025
√ Dünýä maňa aşyk bolsun! / Goşgular - 07.01.2025
√ Lolular / Goşgular - 08.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Ýa Biribar / Goşgular - 30.01.2025
√ Eýledi ýar meni dert ile awara, medet... / Goşgular - 12.01.2025
√ "Ýene-de daň atdy..." / Goşgular - 01.01.2025
√ Aramyzdan gidenleri ýatlalyñ! / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Ýagşy niýetler / Goşgular - 08.01.2025

Teswirleriň ählisi: 7
-1
1 Atayew  
493
Azat aga, bu goşgyň-a ýöntem gördüm. Irkiräk goşgulardan öýdýän?

0
3 Azat_Nurgeldi  
283
Hawa, Kakamyrat aga, irki goşgy, ,ýöne ýaňy bir temamy Haweran dostum, üçünji krug diýip ýapypdyr:-) men ondan öýkäm ýok ýöne şonda Size jogap ýazýançam garaşaýmaly ekeni :-)şu ýerde goýaýmasam şol jogaby.

0
4 Azat_Nurgeldi  
283
Salawmaleýkim, Kakamyrat aga. Örän gowy goşgyny teswir edip goýanyňyz üçin minnetdar, agam. Gurt Näzliniň aýdanlary bilen doly ylalaşýan, ýöne men öz oýlanmamda zyýarata garşylygym ýok, kaşaň daşlary goýup biri birinden ökde çykjak bolýan "baýlar"hakynda aýtjak boldum, oňa elbetde Siz düşünensiňiz, ýöne,zyýarata baran wagtymyz şol ýerde-de özlerini ýokary tutjak bolýan nadanlary görüp gynanýan.

0
2 Azat_Nurgeldi  
283
Pozup goýber, täze zat döremänsoň serhoş kellä gaýtalap otyrynda, bes et diýilýänçä :-)

0
5 mango  
651
Bir namardyň işigini,
Kakanyma ökünmäýin.

Azat däde.
ökünmek - eden zadyňa "etmeli däl ekenim" diýmek dälmi?
onda, ýokarky setirler: "namardyň gapysyny kakdym, kakanyma-da ökünemok. Kakanym gowy boldy?" manyny berýän ýalyla?
1) namarda ýüz tutdum - ökündim.
2) namarda ýüz tutdum - ökünmedim.
3) namarda ýüz tutdym welin, hernä ökündirmesin-dä (işimi bitirsin).
haýsy manyda? (3-njisimikä?)

0
6 SERWI  
544
Salam saytdaky uly yazyjylaryn, sahyrlaryn teswirlerini okamak gyzykly. Kakamyrat Atayewin "Gonambasy" romanynyn tasirinden entegem cykyp bilemok

0
7 SERWI  
544
Sayty doredenlere we yoredyanlere kop sag bolun!!! Turkmen edebiyatynda ozal okalmadyk eserleri arkayyn tapyp bolya

Teswiri diňe saýta agza bolan ulanjylar goşup bilýär.
[ Agza bol | Saýta gir ]