Pally käse

PALLY KÄSE

Kofe içen käsämi
Bir boş jama düñderdim.
Pal atmakçy niýetim,
Bagty pitige mündürdim.

Palymyñ jogabyny
Bilmähe howlugamok.
Nätjek, diýse alamat:
"Öñde gowulyg-a ýok".

"Bagtyñ senden daşda däl",
diýse: "Ýanjagazyñda",
Häli görjek kofämi,
Goýjak jamjagazymda.

Ikirjiñläp ýadamsoñ,
Täleýim Haka goýdum.
Içi pally käsämem,
Seretmän gowy ýuwdum.

Çemen ANNABERDIÝEWA.