Sensiz setirler...

SENSIZ SETIRLER...

Ýene tenha gijeleñ tagamsyz çaýy bilen,
Tümlügiñ täk buýsanjy - ýaşmaksyz aýy bilen,
Wepadar ýalñyzlygyñ ylham serpaýy bilen,
Dümtünip keşde çekýän hakyda sapagyndan;
Ýene tenha gijeleñ tagamsyz çaýy bilen...

Göýä gapymy kakýa şemalyñ aýak sesi,
Ýa haýp tolgunýamyka kalbyñ goja höwesi?..
Bilmen, gyzdy: rmy eli umydyñ boş kisesi?
Elim sowuk kisede, dişşirgenýän ýene-de,
Gapymy kakyp gaçýa, şemalyñ aýak sesi...

Saña aýan ýyldyzym! Köpe geñsi ahwalym:
Tiken basan armanym, düýş deñzinde hyýalym,
Diwanda kyrkdan aşan - nobatdaky wysalym.
Ak bulutdan öýkeli nazarym saña düşýä;
Saña aýan ýyldyzym! Köpe geñsi ahwalym ...

Bir görsediñ aýnada sensizligiñ mor ýükün...
Ýsir aldy ýapraklar gara gözümiñ kökün...
Wagt bolsa, çapyksuwar, ýöredýä öz
hökümin...
Gaşyn çytýa gijeler..şemalam hüñür-hüñür...
Bir görsediñ aýnada sensizligiñ mor ýükün!..

Taýmaz SEÝIDOW.