Seýilgähdäki ahwal

SEÝILGÄHDE

Seýilgäh. Ýüregi suwluja baglar,
Guşlary bagryna basmaga taýyn.
Şeýle bir köz reňkli gülleri bardyr,
Hatda oňa gözi degäýjek Aýyň.

Bir-biregiň elin gysan agaçlaň
başynda bar ýaly söýgi heseri.
Öňküden has dili süýji guşlaryň,
Owazyna gulagymy keserin.

Dem alsaň demiňe heser ýetişer,
Janyň süýjäberer, süýjär diliňem.
Bir-birini gözi bilen gujaklan
aşyklar hem meňzär yşkyň gülüne.

Üstünden gül ysy gelýän bu ýerler,
Bu yşkbaz başymy aýlaýjak bolýar.
Seýilgäh...
Gül, baglar, ýigit hem-de gyz,
Gözlem bilen ony ýuwdaýjak bolýan.

Men oty:ryn yşka başymy büräp,
Güller maňa öz goýnundan berdi ýer.
...Ýanymda hem kebelegi kowalap,
Oglum bilen gyzym oýnap ýördüler..

Goçmyrat ORAZBERDIÝEW.