Soldat ýüregi

SOLDAT ÝÜREGI

Ol beýik Wolganyñ sag kenaryndan
Alymlar tapdylar kaska, ýaragy.
Gapdalynda şindi ýere siñmedik
Ýatyrdy soldatyñ urýan ýüregi.

Emaý bilen gazyp alyp gudraty,
Üýşdüler daşyna hersi bir ýerden.
Bu eziz howadan dem alan ýürek
Adam sesi bilen gürledi birden:

''Bu jepaly ýer astynda
Ýürek gaty kän.
Buýruk ýerne ýetirildi,
Ýoldaş kapitan!''

Gurbannazar EZIZOW