Tejribe sapagy

TEJRIBE SAPAGY

Gaty golaý baryp ýörmedim oda,
Gorkup, köýmekden.
Sebäp öň tenimi ýakypdy ýalyn,
Çabran köýnekden.

Çümmedim çuň suwa, üýşendim ýördüm,
Gark bolaýmakdan.
Tas girdaba düşenligim, kyn, ýatdan
Çykaraýmakdan.

Soň syrym aýtmadym, ýakyna-ýada,
Dymdym, gowusy.
Çünki syrym ýaýdy dostum, güldürip
Ili-ulusy.

Eşidip ýörsem-de, bu hakda her çak,
Görenligim boldy ömrüme sapak.

2020 ý.