Главная » 2024 » Iýul » 16 » Týug
20:58

Týug

TÝUG

Ýanyp-bişip ýardan göwnim sowady,
Göterlen tüssämem ýardan sowady.
Has aňyrdan eken onuň sowady,
Bir gamly dessana dönderdi meni.

Ýar sogrup ýüregmi eline aldy,
Ýürekden akýan gan şapak deý aldy.
Söýenim kastyma çykan bir a:ldy,
Toz edip asmana gönderdi meni.

Salgym deý süýnüp ýön garaba-gara,
Ruhum köýük boldy garga deý gara.
Ne gözel oglandym kalbyma gara,
Goý-a öz günüme-gussama meni.

Şat başlanan söýgim hasrata ýazdy,
Durmuş maňa gyşdy, ýar üçin ýazdy.
Şeýtdi-de, adymy gam içre ýazdy,
Ýetirmän al-elwan bossana meni!

Ilmet GURBAN.
Goşgular
Категория: Goşgular | Просмотров: 430 | Добавил: merdan18 | Теги: Ilmet Gurban | Рейтинг: 5.0/2
Awtoryň başga makalalary

Goşgular bölümiň başga makalalary

√ Meýdan güli / Goşgular - 30.01.2025
√ Ýaraly ýüregiň owazy / Goşgular - 22.01.2025
√ Ýagşy niýetler / Goşgular - 08.01.2025
√ "Ýene-de daň atdy..." / Goşgular - 01.01.2025
√ Oňşuksyz öý / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Eýledi ýar meni dert ile awara, medet... / Goşgular - 12.01.2025
√ Dünýä maňa aşyk bolsun! / Goşgular - 07.01.2025

Teswirleriň ählisi: 11
0
1 gerceknazar97  
1736
Tuýug formatynda goşgy döretmek üçin kapyýalaşýan sözleriň aýdylşam ýazylşam deň bolmaly. Bu goşgynyň bolsa kapyýalaşýan ençeme sözleriniň ýazylşy deň bolsa-da, aýdylşy deň däl. Tuýug ýazmak üçin kän kelle ýençmeli. Hut özümem synanşanym üçin, goşgy ýazmagyň iň kyn görnüşleriniň bir hasaplaýan.

0
2 Moderator  
1471
Gerçeknazar, goşgynyñ islendik görnüşi ü.n bihuda kelle ýençmezlik size peýdaly bolarmyka diýýärin. Saglyk bize hemme zatdan öñ gerek.

0
9 Garadag  
128
Týug formasynda (formatynda däl) goşgy döretmek üçin kapyýalaşýan sözleriň aýdylyşam, ýazylyşam deň bolmaly has dogrusy kapyýalar omonimlerden düzülmeli.
Omonimler (grek homos - birmeňzeş, onima - a:t) dürli manylary berýän, ýöne birmeňzeş ses. Mysal: açar 1 - sary- reňk, 2-sary -ugur.
Ýene bir bellemeli zat; tuýug bu rubagy formasyndaky özboluşy aýratynlyga eýe şygyr düzüliş usuly.

0
3 gerceknazar97  
1736
Saglygym üçin alada edýäniňize minnetdar. Ilhalar eserler döredip bilsem kellämiň biderek ýere döwülmedigi hasaplardym.

0
4 Moderator  
1471
Aladañyzy edemok, ýatladýaryn. Amal edip-etmezlik öz ygtyýaryñyza galypdyr. Soñky aýdanyñyzy etjegiñizi welin, näbileýin-dä...

0
5 merdan18  
1808
Essalawmaleýkim hemmä, Gerçeknazar goňşy saýtda siziň týug diýip paýlaşanyňyzy okap gördüm, "Hiç neneň däl, ganymat". A özünizi Ilmät Gurbanowdan gowy ýazýan diýip bilýäňizmi? Öz týuglaryňyzy teswirde goýuň! Okyjylar aýdar kimiňki gowydygyny, sagboluň!..

0
6 merdan18  
1808
Kömek Kulyýewiň "Jigerbendiň haky üçin" hekaýasyny goýjakdym, öñ goýlan eken.

0
7 gerceknazar97  
1736
Waleýkimessalam, özüm Ilmät Gurbanowdan gowy ýazaýan diýip bilmeýän. Asla hiç kimdenem gowy ýazýan diýemok. Her bir adamyň artykmaç tarapy bolýar. Bu ýerde diňe tuýug ýazmagyň düzgünini ýazyp geçmegi derwaýys hasapladym. Sebäbi biriniň ýalňyşyny beýlekilerem göýbermez ýaly . Maňa-da şeýle ýazyp düşündiripdiler. Şol ýalňyşlyklarymy düşündirenlere şu wagtam hoşal bolup ýörün. Ýalňyşlygymy düzetseler minnetdar bolýaryn.

0
8 Garadag  
128
Ilmet aganyň edebi mirasynyň bir bölegi mende hem saklanýardy. Halypanyň köp goşgusynyň-a ady ýokdy. Ýene bir bellemeli zat; belki rahmetli Ilmät aga týug žanrynda ekspriment etmek isläp, şeýleräk formada ýazandyr.
Belki siziň aýdýanyňyz dogrudyr.

0
10 kyssacy  
1745
Durmuşda bar herki zadyň öz nobaty, öz ýeri,
Söý ata Watany, söý ene ýeri,
Ene perzendini söýýändir ýöne,
Ýerem aldaýarlar iň agyr ýeri - şu bende tuýug diýip bolarmyka, känbir kelle döwmän ýazdym welin, tuýugdygyna özümem ynanyp bilemok-da.

0
11 Moderator  
1471
Gerçeknazar ikiñiz ilki goşgy formalary, goşgy düzüliş tärleri, umuman edebiýat teoriýasy boýunça bilimiñizi çuñlaşdyraýsañyzlañ, beýdip ikirjiñlenmede gezip özüñizi gynap ýörmäñ...

Teswiri diňe saýta agza bolan ulanjylar goşup bilýär.
[ Agza bol | Saýta gir ]