Ýarak it

ÝARAK IT

Ol güjük wagtynda gurjak ýalydy.
Jöw-jöwem degýärdi jañyñ zañyba
Ol güjükdi, güjük diýip öwdüler,
Gözün meñzetdiler säher dañyna.

Süýji iýjek bolsa, süýji berildi,
Garny dokja boldy. Güýji göründi.
Güjükden saýlanyp it çykdy ahyr,
Özüne guwandy. Erkin gerindi.

Köpek seýlin etdi köçeme-köçe,
Hem meslikden gözi-başy aýlandy.
Birdenem ýal beren eýesin ýardy,
Eýesiniñ gözde ýaşy bulandy.

Goñşular pisledi itiñ bolşuny,
Çagalaram ondan daşyrak durdy.
Öý eýesi günäsini ötse-de,
Süýrgünortan wagty Güne-de üýrdi.

Öwezmyrat BABAÝEW.