Главная » 2021 » Mart » 14 » Ýaşa...
11:20

Ýaşa...

ÝAŞA...

(Işdeşime)

Günleriñ ahmyry gözüñde eräp,
Goýsa goýsun ýüregiñde yz indi.
Ähli gowulyklar kalbyñda dörär,
Bagtam gezer päk göwünliň yzynda.

Ýaşaýarkaň, bagtsyz bolunarmy, heý,
Gaýta şat günlere ýaran bol özüñ.
Durmuş gözel bolsun gulakhalkañ deý,
Gülki, şatlyk... senden sowmasyn ýüzün.

Ýaýna, dost-joralañ bilen gülüşip,
Geçme şatlyk-şagalañyñ deñinden.
Bagtdyr, çagalaryñ "eje-e" boluşyp,
Işden geleniñde, çyksa öñüñden.

Şat bol, ozalynda şeýledir gurluş,
Gaýgy-gussa göwün berýänem kändir.
Seni örtäp ýören oýunçyl durmuş
Janyñy ýakanña degýänem däldir.

Ýaşa mydam bu durmuşyñ ýazynda,
Bitsin mydam elleriňe gül seniň!
Söýgi asla örtemesin yzynda,
Goý, yzyñdan galmasynam ol seniñ.

Kalbyñ ýagşy arzuw-umytdan doly,
Gözleriñden ýagty geljek görünýä.
Söýgüli şahyryñ aýdyşy ýaly,
"Ýaşa, ýaşanyña degýär bu dünýä".

Goçmyrat ORAZBERDIÝEW.
Goşgular
Категория: Goşgular | Просмотров: 631 | Добавил: Edebiyatcy | Теги: Goçmyrat Orazberdiýew | Рейтинг: 5.0/1
Awtoryň başga makalalary

Goşgular bölümiň başga makalalary

√ Şaglawuk / Goşgular - 02.01.2025
√ Men bir ýola... / Goşgular - 12.01.2025
√ Rubagylar / Goşgular - 10.01.2025
√ Lolular / Goşgular - 08.01.2025
√ Dünýä maňa aşyk bolsun! / Goşgular - 07.01.2025
√ Ýagşy niýetler / Goşgular - 08.01.2025
√ Ýa Biribar / Goşgular - 30.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Meýdan güli / Goşgular - 30.01.2025
√ Aramyzdan gidenleri ýatlalyñ! / Goşgular - 12.01.2025

Teswirleriň ählisi: 11
0
1 Edebiyatcy  
15
Selbi, hany duzuň? Duzsuz öwgi boldy bi biggrin biggrin cool

0
2 Jumjume  
571
Goçmyrat,üýşmeleñde toýda aýdaýmaly tost bolupdyr bi-ä. Sagbol!

0
3 mango  
651
Goçmyrat kaka.
Biraz uzynrak göwünlik bolupdyr.
Hemem göwünlik berjek bolsaň biraz psihologam bolmaly öýdýän.
“Durmuş gözel bolsun gulakhalkañ deý” diýýäň welin ol göwünlik däl-de arzuw ýaly eşdilýär.
Biri “aç men” diiýse, oňa göwünlik bermek üçin “çörek iý” diýseň bolmaza.
Men umuman aýdýan. Menden bolmagam mümkün ýöne göwünlik maňa täsir etmedi (göwünlügiň gürrüňini edýän).
Psihologiýany öwrenmeli.
Göwünligem her kime, ýagdaýyna görä berilýän bolmaly.
Ärinden närazy birine, durmuşyndan näräzy birine, gaýynyndan näräzy birine.... närazylygyna görä üýtgär...
——
Jümjümede “toýda aýdylmaly tost” bolupdyr diýýär.
Göwünlik bilen tost-arzuw tapawutly zat.
Diýmek “naharym kän duzlam” däl ýaly.

0
4 mango  
651
Özüme hat.
Mango dost, sen asmanda ýyldyrym çakdyryp, göwnüňde kömelek toplamak isleýäň öýdýän. Özüňe gel. Ýyldyrymlaryň seýrek bolýandygy unutma.

0
5 Arzyman  
418
Ýok, aldaýa, bu goşgyny aslynda maňa ýazypdy soccer

0
6 puo  
292
Гочмырат сиз бир довур адалат мини футбол командасында хем ойнадынызмы яда мен чалшдым башга бири билен.

0
10 Edebiyatcy  
15
Futbol diýlen zady halamok dostum biggrin

0
7 nurgeldiyewam232  
691
Ilki bilen üstünlikleriñiz barada:"Günleriñ ahmyrynyñ gözde ereýşi"owadan pikir."Durmuş gözel bolsun gulakhalkañ deý" şahyrana meñzetme.(işdeşiñiziñ gulakhalkasyny göresim geldi)"Yz indi" we "yzynda" täze we gulaga ýakymly kapyýa.
Indi şowsuz çykan ýerleri barada:Goşgyñ iki ýerinde bagt hakynda bir ýerinde bagtlylar hakynda we ýene bir ýerinde bagtsyzlyk hakynda agzalmagy artykmaç görünýär.Iñ bolmanda birjigini aýyrmaly.Goşgyñ başyndaky owadan kapyýañ döreden owadan täsirini soñky bentlerdäki ýöntem kapyýalar arkaly ýokladyñyz.Jemleme elbetde,"super".
Onsoñam göwünlik bermek babatda:Kimdir biri gapdalyñda gamlanyp oturka "Men psihologiýany bilemok"diýip oturyp bolmaz ahyry.Başarşyñça göwünlik berersiñ.Şahyram şeýdýär.Işdeşiñiz hernäçe gamgynam bolsa,bu goşgyny okap ýylgyrandyr.
Umuman goşgy hemişeki Goçmyrat Orazberdiýew goşgulary ýaly ýokary hilli.Bellikleri göz öñünde tutmak şahyryñ özüne bagly.Döredijilik üstünlikleri arzuw edýän, Goçmyrat aga!"Asmanyñ ýañagna goşgy ýazmagyñy"dowam et!

0
8 Sona  
621
Критика — это яд для слабых и лекарство для сильных.
Константин Мелихан

0
9 Edebiyatcy  
15
Minnetdar hemmäňize

0
11 Edebiyatcy  
15
Saňadam biggrin

Teswiri diňe saýta agza bolan ulanjylar goşup bilýär.
[ Agza bol | Saýta gir ]