Главная » 2021 » Maý » 26 » Hatlar
22:30

Hatlar

HATLAR

Seni maňa ýatladyp dur hemişe,
Seniň maňa ýazyp giden hatlaryň.
Okap, ýüregimi ezip oturýan,
Sypalap, sermeläp onuň gatlaryn,
Her sözünden tapyp soňsuz şatlygym.
Ýüregime basyp, mynçgalap haty,
Berýär az-kem bu göwnüme teselli,
Eşdip ýörmesemem seniň sesiňni,
Olar seniň sesiň gaýtalap berýär,
Ot alan ýüregmi ýelpeläp berýär.
Soňky pursat, şol göwnümi gandyrjak,
Ellerimden tutup meni galdyrjak.
Ondaky derýa deý daşgynly söýgiň –
Ýaryp hanalaryn, ýaryp gatlagyn,
Seniň maňa ýazyp giden hatlaryň,
Öldürjek!
Öldürjek!
Öldürjek!

Goçmyrat ORAZBERDIÝEW.
Goşgular
Категория: Goşgular | Просмотров: 542 | Добавил: Edebiyatcy | Теги: Goçmyrat Orazberdiýew | Рейтинг: 4.7/3
Awtoryň başga makalalary

Goşgular bölümiň başga makalalary

√ Men bir ýola... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Ýa Biribar / Goşgular - 30.01.2025
√ Eýledi ýar meni dert ile awara, medet... / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Ýar laglyň arzuwlar men, jana bereý sen şypa... / Goşgular - 06.01.2025

Teswirleriň ählisi: 2
0
1 myhman  
732
menem tutuş tewsiriň başyny gaýtalajak.

tutuş setiriň gaýtalanmagyna refreş diýilýämi.

näme diýilýänem bolsa şony ulanmak kyn öýdýän şahyrlara.
1. okyjyň ýüregine düşmejek bolmaly
2. öňündäki setir(ler) bilen baglanyşdyrjak bolmaly
3. köne moda bolansoň täzeçe öwüşgin goşjak bolmaly

indi goşga geçeli. köne usul, şol bir söýgi temasy (tas tamasy diýýädim :-)).

kän gepi köpeltjek däl.

nähili bolýan eken. şu zatlary şu goşgy üçinem aýdyp bolmazmy? ýok. ýalňyşmy? ýok. onda-da gaýtalasaň birhili gerek? howwa.

Duýgularym goýalyşýar, süýjeýär,

akyl goýalyşyp, duýgy inçeläýjek ýaly welin...

haýsy dogry?

a) Yşk gelse, kalbyňam aýdym, doly heň,
b) Yşk gelse, kalbyňam aýdym doly heň,
ç) Yşk gelse, kalbyňam aýdym doly, heň,
d) Yşk gelse, kalbyňam aýdym - doly heň,

Yşkgelse, kalbyňam aýdym, doly heň,
Şonsuz aşykköňülleriň haly teň,

"şonsuz" diýýäni yşksyz dälmi? "aşyk köňül" boljak bolsa uže yşk bar bolmaly dälmi? nädip yşksyz aşyk köňül bolup bilsin, haly teň bolar ýaly?

sözümiň soňunam gaýtalama bilen gutaraýyn:

aýtjaklarymy doly aýtmadym. düşnükli bolandyrlaý. tüweleme, ýaşlar "Mus..." diýseň "Musa" diýjegiňi bilip durlar.

juda düşünmedik ýeriňiz bolsa soraň jogap berjek bolaryn.

biraz degişsem gaty göresiňiz ýog-a. arasynda ýylgyralyň-da.

Ysgynsyz hyjuwlam gelýär güýje, ýar,
Ýene sen hakynda pikir edýärin.

şu setirleri ýaşuly şahyryň diýýänini gözöňüne getir :-).

0
2 mango  
651
goşgy diňe garşy tarap jynsa ýazylagan bolýar, nämeüçindir....
ýagny, ýanýan, söýýän, pikir edýän, isleýän.... ýalyrak.
belki, arasynda gyzlardan gözüňi sowup başga ugurlara-da seretmelidir?

Teswiri diňe saýta agza bolan ulanjylar goşup bilýär.
[ Agza bol | Saýta gir ]