Ýetginjek

ÝETGINJEK

Öñküsine görä üýtgeşik dünýä.
Nämüçindir dünýäñ öñküligi ýok.
Ol özünden uly bolmak isleýär,
Öz ýaşyndan uly bolup bilenok.

Görýän düÿşleri hem öñküleri däl,
Söýüşen gyzlary bardy bir çene.
Ol ýuwaş-ýuwaşdan düşünip barýar
Gelinleñ, gyzlaryñ gözelligine.

Bir täsin täzelik gurşaýar ony,
Ol häzirden görjek bolýar geljegin.
Howlaýar. Ululañ yzyna düşýär,
Geýýär uly doganynyñ penjegin.

Uruşly kinolar ýat boldy oña,
Düşenok ýadyna oýun, kepderi.
A ''Söýgi oduna'' goýberenoklar
On alty ýaşyna ýetmedikleri.

Ýigitligiñ gapypysyny kakýar ol,
Açanoklar, wah, nätmeli? Itmeli?
Itse-de, bu gapa goýberenoklar
On sekiz ýaşyna ýetmedikleri.

Öýe gelýär, urunýar ol iki ýan.
Kakasy geñ galýar: ''How, keýpiñ ýok-la?''
''Meñ ullakan adam bolasym gelýär,
Näme üçin meni goýberenoklar?..''