Adam

ADAM

Her döwürleriň öz zalymy bolýar,
Zalymyndan ökde alymy bolýar.
Ýurt basyp, ýurt alan serkerdeleri,
Darileri, Isgenderi, Kirleri,
Aýdaly, Çingiz han,
Napoleonlary,
Teýmirleň, Gaznaly,
Нaýl Gitleri...
Ýagyşdan soň dömen kömelek ýaly.
Suwa derek gan akypdyr derýadan,
Dag döräpdir, dag eräpdir däriden.
Dogup-döräli bäri,
Adamyň käri —
Gurmak, ýykmak, ýumurmak,
Soň ýene gurmak...