Güýz ýatlamasy

GÜÝZ ÝATLAMASY

Men aýdym aýdypdym ýatlap roýuny,
Güýz gijesi Sumbar derýaň boýunda.
Asmandan äňedip surata düşen
Aý-da aýdym aýdýardy oýumda.

Imi-salalykdy, ümsümdi dünýä,
Şemal ýelpeýärdi daragt başyn.
Çözülen saçlary ýadyma düşüp,
Sakla-da saklajak bolsaň göz ýaşyň.

Şol güýz gijesini ýatlaýan mydam,
Indi diňe ýatlamalar serimde.
Sumbar akýar, ýöne derýaň boýunda,
Aşyk oglan, magşuk gyz ýok ýerinde.

16.08.2024.