Arheolog

ARHEOLOG

Akademik Mihail Ýewgenýewiç Massonyň ýagty ýadygärligine

Arheolog, kesbi-käriň ne täsin?
Ýaryp ýeriň gabygyny,
Kesip bilýäň göbegini,
Gaflat ukusynda ýatan gözleriň,
Galdyrýarsyň gabagyny.
Hem tapýarsyň asyrlaryň
Gizläp goýan tabagyny.

O tabaklaň niçik syry?
Munuň üçin sökýäň niçe,
Niçe depe, niçe gyry!
Arheolog, ýanyňda seň gadymýet!
Seň ýadyňda—
Paleolit,
Hem neolit,
Enolit,
Arheolog, gadymýetiň sen piri!
Seň ýanyňda –
Hem asyrlar,
Nesiller,
Ýaşap ýör diri!
Arheolog, sen nä täsin adam?
Iller öňe gidýän wagty,
Sen urýarsyň yza gadam!
“Gitmesin- diýýärsiň –yzyna gaýyp”,
“Ýitmesin” – diýýärsiň, eziziň saýyp
Geçmişi.
Bolsa-da döwürleň taryh öňünde
Uly etmişi!
Ýer astyna çümüp giden
Uly-uly galalary,
Asyrlaryň gömüp giden,
Uly-uly şäherleri,
Tapýarsyň bada!
Seniň üçin bu,
Ömürlik kada!
Ýerde dem-düýtgüz ýatan,
Söz açýaň şadan!
Arheolog,
Ine, sen şeýle adam!..

15-19.03.2022.