Arşda Aý, zeminde ýeke-täk sonam

"ARŞDA AÝ, ZEMINDE ÝEKE-TÄK SONAM..."

Men seniň başyňa döneýin sonam, 
Hem galam gaşyňa döneýin sonam.
Ýan diýseň oduňa ýanaýyn baky,
Arşda Aý, zeminde ýeke-täk sonam.

Aňk edipdir meni husny-jemalyň,
Demiň ýada salar dagyň şemalyn.
Ynan, gije-gündiz ýalňyz kemalym
Arşda Aý, zeminde ýeke-täk sonam.

Otdan alyp ýene atarsen oda,
Aşyk-magşuklara şeýlemi kada?!
Günäm nä, kasdyma çykdyňmy ýa-da?
Arşda Aý, zeminde ýeke-täk sonam.