Arzuwlar

ARZUWLAR

Siziň derýaňyzda akyp barýaryn,
Göýä bir ummandyr, siziň derýäňyz.
Ganatlarňa baglap bütin durkuny,
Meni nirelere alyp barýaňyz?!

Siz meniň şatlygym,
Ukusyz gijäm,
Siz meniň ganatym,
Siz meniň bagtym.
Ene bürgüt bolup alyp çykýaňyz
Hesretiň oduna lowlaýan wagtym.

Mukaddes haýyşym: alyp baryň siz,
Il içine - halal zatlaň ýanyna
Beýik maksatlara gowşuryň meni,
Goşuň meni beýikleriň sanyna.

Siz meniň barlygym,
Siz meniň dünýäm,
Sizden aýra düşsem, dünýe ýok maňa.
Ganatlarňa baglap bütin durkumy,
Alyp barýarsyňyz ertirki daňa!

Muhammetmyrat MEREDOW.