Türkmen şygryny özboluşly belentlige galdyranlaryň arasynda Durdymuhammet Gurbanyň mynasyp orny bar hasaplaýaryn. Şahyryň aýry-aýry setirlerinde özüne mahsus gaýtalanmajak äheňler bar. At gözýaşy aka-aka, bu sährany kän ýugurdy. Diňe şu setiriň özi giden bir eýýamy göz öňüňe getirýän eser. Aňrysyna-bärsine göz ýetmeýän sähralarda görlüp-eşidilmedik ganly söweş bolup, eýesi ölen bedewiň boýnuny sallap durşy, eý ho-o, aýylganç, emma bu hakykat. Şahyr bir setiri bilen taryhy görkezip bilýär.
Teswiri diňe saýta agza bolan ulanjylar goşup bilýär. [ Agza bol | Saýta gir ]
0
