Главная » 2023 » Awgust » 1 » Ot öçer...
20:24

Ot öçer...

OT ÖÇER...

Ot öçer, çogy galar,
Suw akar, ýaby galar.
Gyş geler, geçer gider,
Pasyllaň ýazy galar.

Derýa akar, suw akar,
Derýanyň bady galar.
Bagbanyň ady ýitmez,
Yzynda bagy galar.

Öýüň ojagy galar,
Ojagynda – saçagy.
Bir gün enäň yzynda
Galar seçip-saçany.

Hyrçyn dişlär ogul-gyz,
Ojagyň ody galar.
Ýüreklerde ýadygär
Enäniň ady galar.

Ogul üçin, gyz üçin,
Onuň hak ýoly galar.
Dünýäň bir künjeginde
Enäň ykbaly galar.

Külli älem-jahanyň
Ol ýeke-täk şasydyr.
Her bir ynsan ömüri
Eneleň yhlasydyr.

Durdymuhammet GURBANОW.
Goşgular
Категория: Goşgular | Просмотров: 346 | Добавил: Haweran | Теги: Durdymuhammet Gurban | Рейтинг: 5.0/2
Awtoryň başga makalalary

Goşgular bölümiň başga makalalary

√ Dünýä maňa aşyk bolsun! / Goşgular - 07.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Ýaraly ýüregiň owazy / Goşgular - 22.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Oňşuksyz öý / Goşgular - 12.01.2025
√ Meýdan güli / Goşgular - 30.01.2025
√ Kowusnama: Bedew edinmek hakynda / Goşgular - 12.01.2025
√ Eýledi ýar meni dert ile awara, medet... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Dostum, arz et jemalyň, janymyz bolsun fereh... / Goşgular - 04.01.2025

Teswirleriň ählisi: 3
0
1 sylapberdimuhamov  
1428
Durdymuhammet Gurban ykbaly gelmedik şahyr diýip bilýän. Gaty gowy ýazan zatlary nämüçindir ýaýramandyr. Belki bu onuñ syýasat bilen bagly işiniñ sebäbi bilen bolandyr.
Men Gylyçmyrat Kakabaýew bilen Durdymuhammet Gurbany nähak unudylan, keminden az tanalýan şahyrlarymyz hasaplanýan. A aslynda olarda gaty gowy zatlar bar.

0
2 Haweran  
411
D.Gurbany içgin öwrendim... Keç ykbally şahyr.
Uçursyz zehinli we türkmenleriñ arasyndan ilkinji bolup Moskwanyñ Döwlet uniwersitetini gyzyl diploma okap gutaran adam. Ol barada käbir ýazyjy-şahyrlarymyz tarapyndan gaty negatiw zatlar ýazylsa-da, edilem beýle däldigini bilýärin. Ýaşuly aýatda dirikä ýetişmänligim, çökder lapykeçlige düşüp ýogalmanka soñky ähli ýazan zatlaryny - ýatlamalaryny, gündeligini, goşgularyny, makalalaryny howla çykaryp otlapdyr... Şeýdendigini onuñ ogly aýdanda iki günläp ýüregim agyryp gezdi, birgiden birinji elden okajak hakykatlarymyz küle öwrülipdir...
Biziñ bilmek isleýän zatlarymyz onuñ nukdaýnazaryndan çykan pikirler bilenem okalanda, nähili gowy bolardy. 90-njy ýyllaryñ wakalaryny, şahsyýetlerini has ýakyndan we hemmetaraplaýyn öwrenmäge mümkinçilik tapardyk.

0
3 sylapberdimuhamov  
1428
Şahyrlar ýalñyşsa ile kyn bolar,
Şahyryny söýýän iller beýikdir
Ýokarky setirler aýny hakykat. Emma dünýä taryhynda öz ýazan zatlaryny ölmezinden öñ ýok eden şahyr-ýazyjylar bir-iki däl. Gogal, Aleksandr Blok. Bular hakda hemmämiz bolmasak-da okaýan adamlar bilýändirler. Gynanýañ. Etjek alajyñ ýok.

Teswiri diňe saýta agza bolan ulanjylar goşup bilýär.
[ Agza bol | Saýta gir ]