Aýdym

AÝDYM

Aýdym!
Gözel aýdym, men seni söýdüm!
Diňe şatlyk, joşgun berýäň gursaga.
Goý, hemmeler şatlyk bilen ýetsinler,
Bagt eçilýän aýdym-sazly pursata.

Ýaňlan aýdym,
ýaz eýle sen dünýäni,
Ýaňlan bagtly pursatlaryň şanyna!
Arzuwlara, alkyşlara ganat ber,
Sen dermansyň hassalaryň janyna!

Toýlaryň şanyna,
bagtyň şanyna,
Ýürek telwaslanar,
joşar,
hiňlener.
Arşyň-kürsüň arasyna dol mydam,
Goý, buýsançly tans oýnasyn hemmeler.