Balerina

BALERINA

Ýaňlanýar duýgudan lummurdan mukam,
Syrylýar zalyň däl,
Duýgyň perdesi.
Syrylýar perdesi şahyr düýşüniň
Ine, saňa hüýr-perili erteki.

Sen hyýaldan çykan suw perisi deý,
Daraklygňa galyp,
Galkyp ýeňilden,
Depesinden garap gelýäň zeminiň,
Depesinden ýöräp gelýäň köňülleň.

Tolkundyryp ganat ýaly gollaryň,
Tolgundyryp halys hyýalbent göwnüm.
Men sahnada seni däl-de,
                                  gülleriň,
Arasynda ýaýnan aýdymy gördüm.

Ýene çalyp gitdi meni bir heser,
Ýene jeýhun hyýallara gowuşdym.
Balerina!
ÝA sen göze görnüşimi aýdymyň?
Göze görnüşimi ýa-da sen yşgyň?