Elegiýa

ELEGIÝA

Biwagt aradan çykan inim (inimiñ ýeke ogly) Öwezmyradyñ ýagty ýadygärligine

"Agam jan, otyrmyñ" diýip gelerdiñ,
Inim, janym inim, Öwezmyradym.
Iki elläp görüşüp elim alardyñ,
Inim, janym inim, Öwezmyradym.

Hemra edip agyr derdiñ sulbasyn,
Kän islediñ sagdynlygyñ urbasyn.
Togtatdy ýüregiñ urup-durmasyn,
Inim, janym inim, Öwezmyradym.

Ýigrim dokguz ýaşdan ätläp otuza,
Ugran çagyñ derdiñ döndi guduza.
Meñzediñ ekini guran atyza,
Inim, janym inim, Öwezmyradym.

Ahmyrly ýaşadyñ derde baglanyp,
Miýesser gelmedi ýörmek çaglanyp,
Ömrüñ köýdi gam oduna daglanyp,
Inim, janym inim, Öwezmyradym.

Naçar doganlaryñ ýaşy diñmedi,
Üçisi hem gije-gündiz iñledi,
Eneñ-atañ rahatlyga siñmedi,
Inim, janym inim, Öwezmyradym.

Agañ Gara Ýolly döküp ýaşyny,
Şu goşgyny ýazdy egip başyny,
Tapmadyñ panyda göwün hoşuñy,
Inim, janym inim, Öwezmyradym.

17-awg, 2018

Şyhymyrat ABDYLLAÝEW.