Eneler

ENELER

Goja dünýäñ on iki gatly gussasyn,
Ýany bilen on iki gatly şatlygyn.
Durmuşyñ tüm ýaly gap-gara ýasyn,
Gözi bilen gören ene ýaşasyn..

Agyrdyp billerin, küteldi gözler,
"Çagam üçin!" diÿdi, bir döwüm çörek.
"Çagam, balam, guzym" diýilen sözler,
Pamyk deýin ýumşajyk ene ÿürek.

Alnynda görünÿär, gazaply ýyllar,
Olar çekendirler agyr zähmeti.
Hiç ýykmaz olary tupanly ýeller,
Eneler zeminiñ görki ahbeti.

Kümüş saçlarynda, ak ýüzlerinde,
Gizlenip ýatandyr, añzakly gyşlar.
Jennet bar, olaryñ her yzlarynda,
Olar üçin saýrar jennetde guşlar.

Ene biler, seniñ janyñ agyrsa,
Ene geler, başyña dert inende.
Ÿene ene biler, jiger daglansa,
Ýene ene geler, zaryn aglañda.

Enelerdir, bu dünýäniñ käbesi,
Enäñ geçen ýollaryndan gül biter.
Ogly galasydyr, gyzy lälesi,
Eneler bolmasa, küldir bütin ÿer.

Ene aglar, ene aglar, öläýseñ,
Ene geler her gün gumly görüñe.
Eneñi söý, eneleri söýmeseñ,
Allam nazar salmaz seniñ törüñe.

Eneler ölmesin, ölmesin olar,
Enesiz bu jahan gury bir çöldür.
Enäniñ ýüregi gunçaly bahar,
Enesiz ak öýler duranja tümdür.

▶ SENI SÖÝÜP

Meniñ ýüregimde täze öwüşgin,
Şoñ üçin nur içre geçÿar günlerim.
Päkligimden dörän yşgyñ röwşüni,
Besdir, mundan artyk gizläp bilmerin.

Sary güýze many bolýar bu yşgym,
Geldi, sahy bolup eçilme wagty.
Her gün her minutda hyýala çümüp,
Seniñ söýgüñ bilen ýaşaryn baky.

Isa HOJAMERDANOW.