Garrylyk

GARRYLYK

"Şükür, häzir-ä men barýaryn ýöräp,
Ýaşlyk atly iň ajaýyp köçeden."
Çary Ýegenmyradow

Garrylyk ýaşlygyň soňy bolsa-da,
Däldir asla ömrümiziň matlygy
Meni begendirýän iň ajap keşpdir
Garrylykda garrylaryň şatdygy

Ýaşlyk bolsa garrylygam gerekdir
Gündiz ýaly gerekdir-le giçligem
Garrylykda juwanlyga geçsek-de
Juwan ýaşda garramasyn hiç kimem

Garrylyk gerek däl diýmersiň asla
Diýseňem-de, bolmaly ol ahyryn
Çalyşsaňam onki synaň baryny
Mydam ýaşlyk alynmaýar ahyry!

Kimsäniň ömrüne bagtyny paýlar
Kimsäniň ömrüni şonda keç eder
Şükür, häzir-ä men barýaryn ýöräp,
Ýaşlyk atly iň ajaýyp köçeden.

Ylham GURBANALYÝEW.

2021