Hergiz sözümde duraýyn!

HERGIZ SÖZÜMDE DURARYN

Ýollar uzak, ýyllar gysga,
Bu dilde asal ezeýin.
Possun gadryn bildi:r gyşda,
Dosta dost bolup gezeýin.

Ýykmaň, köňlümiñ külbesin!
Kalpdan gözläñ zer küýzesin.
Döwüp duýgymyň kündesin,
Söýgime seýle geleýin.

Gaýga goýup gaýgylarmy,
Yşkdan bagtsyz gaýdylarmy?!
Sazsyz, sözsüz aýdymlarmy
Taşlap, señ bile güleýin.

Eläp durmuş eleginde,
Ýük goýanda her eginde,
Güýç döredip ellerimde,
Ykbaly bagtym bileýin.

Halkyñ bereni bir günlük,
Halygyñkydyr ömürlik.
Kyblaga tarap öwrülip,
Hajatym Hakdan diläýin.

Ýol uzakdyr, Nury ýigit
Kyn bolsa-da,hak ýoldan git!
Ygrarsyz ýigit - gorkak it,
Hergiz sözümde duraýyn!

Nury SAKÇYÝEW.