Mähremlikden nyşan sen...

MÄHREMLIKDEN NYŞAN SEN...

Gülälek Akmyradowa

Goşgy ýazmak indi moda bolupdyr,
Ýañlanyp dur garry-juwan dilinde.
Menem saña bagyşlajak bir goşgy,
Şahyrlaryñ, şygyrlaryñ bolunda.

Aldanylýan döwür birek-biregi,
Gahrymany etjek seni goşgymyñ.
Tämiz sözüñ adamlara jan berýär,
Pyragydan galan nepis goşgumyñ?

Dost dosty, rast rasty jowradan wagty,
Murgaply gyz, kalbymyzda tarypyñ.
Bir çemen bogasym geldi şygyrdan,
Äpberipler goşgy ýazyş galypyn.

Bir bikemal hopbasynda atanyñ,
Çekip ýörkäk göripligiñ ezýetin.
"Körleriñ, kerleriñ" il agysyna,
Görýän wagty ýalan sözüñ "lezzetin".

Şu goşgyny bagyşladym Gülälek,
Megerem sen mähremligiñ nyşany.
Dankoñ ýüregi deý ýüregiñ alyp,
Demiñ bilen ýyladypsyñ üşäni.

Hakykatyñ gapysynda dik durup,
Haýyr gözläp, kowup ýörsüñ şeri sen.
Erkek kişileriñ lagşan mahaly,
Durmuş atly sahnañ režissýory sen.

10.03.2024 ý.