21:54 Mazar oýlanmasy | |
|
Şahyrlar Atamyrat Atabaýew bilen Nobatguly Rejebow gonamçylykda oglum Turan bilen ýanaşyk ýatyrlar Bu hakda men oýlanmandym hiç haçan, Şahyr dostlar bilen goňşy mazaryň. Çagalygyň göz öňümde elmydam, Üwrelipdiň gujagynda azaryň. Barýan käte, başujuňda oturyp, Okaýaryn okalmaly aýatyň. Ýadymdan çykaryp bilemok soňam, Demirden ýasalan ýaşyl haýatyň. Men saňa akylsyz diýip biljek däl, Azam däldi durmuş hakda sowadyň. Nämüçindir göreşmeli wagtyňda, Gitdigiçe bu durmuşdan sowadyň. Şahyr bilen goňşy bolduň ýene-de, Çekipdiň olaryň çeken derdini. Başda Turan goýduk seniň adyňy, Il sylasyn diýip merdiň merdini. Bolmady, ir gitdiň, ir söndi alaw, Az ömrüňde köp ýanany görensiň. “Gerdişi keç gahba pelek elinden...” Ýalan dünýäň ýalanyndan irensiň. Barýan käte, başujuňda oturyp, Okaýaryn okalmaly aýatyň. Ýadymdan çykaryp bilemok soňam, Demirden ýasalan ýaşyl haýatyň... 16.12.2022. | |
|
| |
| √ Dünýä maňa aşyk bolsun! / Goşgular - 07.01.2025 | |
| √ Ýa Biribar / Goşgular - 30.01.2025 | |
| √ Meýdan güli / Goşgular - 30.01.2025 | |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Aramyzdan gidenleri ýatlalyñ! / Goşgular - 12.01.2025 | |
| √ Rubagylar / Goşgular - 10.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Lolular / Goşgular - 08.01.2025 | |
| √ "Ýene-de daň atdy..." / Goşgular - 01.01.2025 | |
| Teswirleriň ählisi: 1 | ||
| ||
0
