Men ölümden gorkamok

MEN ÖLÜMDEN GORKAMOK

Men ölümden gorkamok,
Ertirki günden gorkýan.
Heniz dünýede barkam,
Ertir seni tapmasam,
Gül ýüzüňden öpmesem,
Meň halym niçik borkan?
Ine men şondan gorkýan.

Men ölümden gorkamok,
Ertirki günden gorkýan.
Ertir meň ýoklugymda,
Maşgalamyň ykbaly,
Çagalarmyň ykbaly,
Mensiz nähili borkan?
Ine men şondan gorkýan.

Men ölümden gorkamok,
Ertirki günden gorkýan.
Ýöňkeseler haramlyk,
Ýürek tapmaz aramlyk,
Näletlese ýediarkam,
Ana, şonda näderkam?
Ine, men şondan gorkýan.

Azat NURGELDIÝEW.