Ol gitdi

OL GITDI

Gussaly garap bärisin,
Gaty gyssanmaç gitdi ol.
Meni galdyryp çäresiz,
Özem bialaç gitdi ol.

Elinden gitse erk, näme,
Etmezmi, eýse, terk, näme?
Myjabatdan gerk-gäbe ─
Mylakatdan aç gitdi ol...

Galjak bolup synandy kän,
Ynandy kän, gynandy kän...
Uzagam däl, ýakynam däl,
Haýp, han-ha Halaç gitdi ol.

“Bagyşla...” diýdim, “...eglendim”
Bolmady, gury emgendim.
...Galyň paltosy egninde,
Göwni ýalaňaç gitdi ol...