Poeziýa

POEZIÝA

Poeziýa!
Men seniň yşgyňda gezdim,
Men seni kalbymda göterip geldim,
Göterip gelşi deý ene garnynda
Ölen bäbejigin hamyla gelniň.

Poeziýa!
Sen ömrümiň bahasy,
Nesip etse, ölerin men eliňden
Bäbejigne goýup ýagty jahany
Ýaş üstünden gidişi deý gelinleň...

***

- Hany ertire bir çyklaly inim...
- Ertir barmy?
Ertir öldürildi düýn.

***

Ýyrtyp çykdym dünýäň sabyr-takatyn,
Hakykat agtardym ýalan panydan.
Sag goluma gandal urup, sen meni
Hanjak alyp barýaň goşarsagadym?

***

Meşhurlar döreýär her bir asyrda!
Meşhur bolduňyzmy?
Saklanaweriň!
Masgaralyk bardyr ondan aňyrda...

Nobatguly REJEBOW.