Прости меня, мама!

Gowy goşgy, elbetde Enelere bagyşlanyp ýazylan goşgylaryň erbedi bolup bilmez. Şonuň üçin hemme Eneleriň bir meňzeş mährem boluşlary ýaly olara bagyşlanyp ýazylan goşgylar hem meňzeş bolup bilerler. Men aşakda bir goşgydan bölekleri hödürläýin, şol setirlere terjimeler hem şu terjime ýaly ýaňlanardy, sebäbi bu sözler perzendiň ejesine bolan söýgüsinden dörän setirler. Çaganyň ilkinji "iňňä "sesi ähli dilde düşnükli bolşy ýaly Enä bagyşlanan goşgylary gaýtalanmakda aýyplamak ýalňyşlyk hasap edýärin.

Bagyşla Ejejan,bagyşla meni.
Men günäkär,her bir saçyň agyna.
Indi düşünýärin,ökünýän çensiz,
Ýetenimsoň,ömrüň orta çägine.

Ýetişmedim,Eje,goşgymy soňlap,
Ýetişmediň diňläp,arman,ýogaldyň...
Barça aýtjak sözüm,kalbymda jemläp,
Eje,bu gün seniň ýanyňa geldim.

Ejemiň ýanyna gelipdim bu gün,
Gum gysymlap gaýtdym,onuň ýerine.
Ejem pahyr menden edende göwün,
Beýle zatlar gelmeýärdi serime.

Ynha,ýatyr Ejemjanyň mazary.
Göze ýaş aýlandy,ýürekden syzyp.
Agyr eken aýralygyň azary,
Başyň dik,janyň sag ýörsediň gezip.

Men ýanyňa geldim,Mähriban Ene,
Ynha,men otyryn dyzyma çöküp.
Geçeni ýatlaýan hyýälda ýene,
Başujyňda goýlan mermere bakyp.

Ejeler ölmeýär,men ony bilýän.
Häzir hem gamlansam,ýanyma gelýäň,
Mähir bilen meniň başym sypalap,
Bagtyýar günümde tirsegňe galýaň.

Häzir hem sen meni goraklap ýörsüň,
Başyma geläýjek bela beterden.
Duýýaryn ,sen maňa seredip dursuň,
Ýöne uzagrakda elim ýeterden.