Sadalyk

SADALYK

Göwünlerde uçgun bolup köreseñ,
Diýmegil sen - geçýän ömür haýpdyr.
Köñülleriñ köprüsinden ýöreseñ,
Bagtlysyñ sen, durmuş taplar, eýikdir.

Ham-hyýala bermegil sen erkiñi,
Gyşyk bassañ durmuş berer merkiñi,
Döwür orta çykarmaýar her kimi,
Döwre pitjiñ atmak uly aýpdyr.

Bil gadryny duşýan bagtly pursatlañ,
Höweslerñi baglap goýma gursakda,
Häzir bolgul elñe ilen susakdan,
Seni betbam etjek soñsuz keýpdir.

Başarsañ söýget bol bagty çökene,
"Dost" diýmegil her syrtaryp bakana,
Bol hasyl baglydyr ony ekene,
Her demiñde kanagata uýup dur.

Sabyrly bol - şatlyk açar işigin,
Köne bolsun - tämiz geýgil eşigiñ,
Ýöne alçy gopan güni aşygyñ,
Gabarylma - öñ kimligiñ bilip dur.

Näzik, durmuş görkezse-de şatysyn,
Her ýeten çeýnemez, öz-ä gatysyñ.
Başa tug edingil hoş niýeti sen,
Adam ogly adam bolup beýikdir.

Näzik ANNATYÝEWA.