Sallançak

Ogul öldi.
Naçar ýürek ýumurtga deý çakylyp,
Düňderildi enäň dünýäsi başşak.
Gelin gitdi ogludyr şum bagtyny
Ykbala taşlap.

Zaryn owaz hüwdüleýär agtygy,
Köredip ýumrulan ojakda ody
Hem solan durmuşyň ýüzüni ýelpäp,
Köneje sallançak kejebe kimin
Gussadan,
gugaryp galan ýurdundan
Yrgyn atyp ertä bakan barýardy...

Nobatguly Rejepow.

«GEÇMIŞ» GOŞGULAR TOPLUMYNDAN