Sessizje dünýä

SESSIZJE DÜNÝÄ

Sen şeýlebir beýik agaçdyň maňa,
Ýetmedim soňuna heniz dyrmaşa.
Bolsaň-da adyň deý ak jemally gyz,
Meniň üçin adyň boldy Dymmaja.

Dek düýnem synladym seni uzakdan,
Joraň bilen ýoldan barýan pursadyň.
Ylham çeşmäm akyp barýarka sessiz,
Öz-özinden heýjan aldy gursagym.

Bilmedim,
Tapmadym hiç hili sebäp...
Ýazanlarma jogap bermezligiňe.
Her gün dünýäňi synlaýan pursadym,
Sen ony asla-da bilmezligiňe.

Küştçi göçdi göçümini birmahal,
Ýöne ,sen göçümiň haçan göçersiň?!
Derwezäňde garaşyp dur derwüşem...
Sessizje dünýäňi haçan açarsyň?!

Ylham GURBANALYÝEW.

2020.