Söýgim

SÖÝGIM

Ýene sen dilimde, ýene sen, läläm,
Adyña bihuşdyr bu ajap älem,
Näzli garaýyşlañ aklyma talañ,
Olar öz köklerin kalbyma salan,
Erkimi soraman ellemden alan,
Yšk odun gursakda lowladyp ýakan,
Näzli garaÿyşlañ, ol garaýyşlañ.

Ašyk saña, Leýliñ Mejnuny ýaly,
Garyp bolsam, gel Şasenem mysaly,
Hem halas et gussalaryñ içinden,
Olar söÿgümdenem artyk-la çenden,
Emma gussalarym söýgüden dörän,
Şoñ üçin men seni söýýärin örän.

Söýýärin ýazlaryñ söýşi dek ýagşy,
Ýagyşly gün aýdym aýtsa bir bagşy,
Biz ikimiz ýagşa ezilip dursak,
Söýgiñ mukamyndan dolanda gursak,
Söýgi sozler joşup çykan wagtynda,
Seniñ söýýän sözüñ-meniñ bagtym-da.

Bagtym-seniñ söýgi doly gözleriñ,
Bagtym-seniñ söýgi doly sözleriñ,
Ömrüm bagtym bilen birleşen güni,
Şonda sen bezärsiñ bu kem dünýämi.

Isa HOJAMERDANOW.