Ýoklugyňda

ÝOKLUGYŇDA

Öwrenişdim...
Özge çäre ýok ahyr...!
Gutarmajak sensiz günleň geňligne
Gitmäkäňem,
gideňsoňam bildim men,
Senden özgäň duýgularnyň delligne.

Günlerimiň tagamyny ýitirdim
Günlerimiň bardygy-da gyzyksyz.
Ýüregimiň derwezesi zynjyrly,
Duýgularym butnaman dur - gazyksyz.

Barlygyňda gözellikdi - bu barlyk,
Barlygyňda bilbil boldy serçeler
Menden güýçli söýjek bolar - ençe ýar,
Emma meni söýjek bolmaz sençeler.

Günler geçer gamyşgulak bedew deý,
Ýyllar geçer öz hökmüni sürüpler...
Ykbalymdan ömürbaky razy men,
Ýaryň tapsaň, bagtly etse söýüpler...

Ylham GURBANALYÝEW.

2022.10