Yşarat

YŞARAT

Ýyldyzlar Zemine yşarat eýläp,
Kalbymda ýaz yagşy deýin gözýaşlam,
Gözden damsa damjak ýerini peýläp,
Süýnen ýyldyz yzy ýaly bu gaşlam.
Haka sežde kylyp zemini guçar,
Ruhum göge uçar...
Yşaratlardan
Bihabar bedenim topraga düşer,
Akyl ýetmez ümsümlikde uklaryn.
Göge bakan käbäm şekilim görer,
Gökden bakyp jan ejemi ýatlaryn.

Yşka düşen ömür alaçsyz galar,
Yşkym Hakdan bolsun, erkinlik kalpda.
Men saňa sygmaryn, kalbyma sygan
Asmanym!
Dünýä-de çynlar-da, galp-da,
Ynsan-da, jynlar-da ýaşaýar, ösýär,
Halal haram gatyşmasyndan gorkup,
Yşgym gysga ömrüň damagyn kesýär.

Yşk gerek! Tükenmez yşk gerek kalba,
Soňsuz saýlan ýollar tükenjek ýogsa,
Jan ejemjan başyň dertlere salma,
Yşaratdyr hem yşkdyr ýagyş ýagsa!

Eziz AMANNAZAROW.