Sähram

SÄHRAM

Ýygnadylar ýaýlaň gawun-garpyzyn.
Ümür gabsan gollar doldy goýundan.
Ysy gelýär güýz çetirän narpyzyň
Akar suwly ene ýabyň boýundan.

Gitdi süri serçe gözümden ýitip,
Synlap galdym burugsaýan howany.
Gutarýar alysda çal pişgä batyp,
Ýüplük ýaly ýodalaryň dowamy.

Çygly gujagyňda ümür goýalan,
Sähram, ýok bu tutuklygyň zyýany.
Sen çekilip, gutarylman goýulan
Ajaýyp suratyň nusgasy ýaly�.

Atajan ANNABERDIÝEW.