Naçar dogana

NAÇAR DOGANA

Naçar doganym, bagyşla,
Gatnap kän dabaralara,
Wagtymam bolmady seniň,
Halyňdan habar alara.

Eger maňa bir zat bols-a,
Ilki sen ýyglap gelersiň.
Men-ä sypynyp bilemok,
Belki, sen ýygrak gelersiň.

Wagt tapmadyk bolup ýörün,
Gapyňyzdan esetmäge.
Gerekmikä naçar dogan,
Bir öleňde ses etmäge?!

GÖRÜP GEÇ...

Görüp geç naçar doganňy.
Gyssanýan bolsaň gidiber,
Oturyp içip-iýme-de,
Ýöne görüp geç,
Gaýdyşyn
Görüp geçerin diýme-de.