Bir "tankytça" açyk hat

Berdinazar HUDAÝNAZAROW

▶ BIR "TANKYTÇA" AÇYK HAT

Seniñ ýagdaýyña nebsim agyrýar,
Gözgyny halyña gynanýan juda.
Il seni tananok, senem özüñi,
Şonda-da sen boljak bolýañ kethuda.

Çar tarapdan öwsüp dursuñ şemal dek,
Ne-hä öz pikiriñ bar, ne-de öz sözüñ.
Şonda-da sen öwüt berjek bolýarsyñ:
- "Ýok, beýle ýazmañ-da, eýleräk ýazyñ..."

Alma nahalyna diýýärsiñ "ýylgyn",
Pöwhe torañña-da diýýärsiñ "güjüm",
Daýzañy görende "daýy" diýmeseñ
Aý, şoña-da şükür
Bolýa-da, jijim...