Dilleriñe şepagat...

Berdinazar HUDAÝNAZAROW

✔ Dilleriňe şepagat

Dilleriňde şepagat,
Ýüz-gözüňde sahawat.
Salamat bol, salamat,
Perişdemiň, eý adam?

Agyr günde diregim,
Sen ne beýle birehim?
Iň ullakan soragym:
Sen näme sen, eý adam?

Bilmen nämeden çeşmäň,
Oňmazmysyň uruşman?
Özüň özüňe duşman,
Sen näme sen, eý adam?

Müň menzilden geçen sen,
Dünýäň syryn açan sen.
Men soraýan: haçan sen
Adam boljak, eý adam?!