Sowgat

SOWGAT

Saña uly sowgat etmek isleýän
Uly çemen.
Aý, ýok, solar gider-dä.
Uly sowgat bolmaz gülden onsoñam
Göwher az.
Saña berjek sowgadym
Gymmat bolmaly bor puldan onsoñam.

Bar gaýgyñ biz bolup, özüñ hakynda
Pikiri başyña salmajak ejem.
Saña söýgim, sagbolsunym hökmünde
Ýüregimi bersem almajak ejem.

Özümden öñ gynanjyma aglaýan,
Al, sowgat eýleýän gözlerim saña.
Ah, sen bolaa monça öpýäñ didämden,
Diýip: "Bolýar ýyly sözleriñ maña".

Dogrusy, señ üçin laýyk sowgada,
Ýetmez jemlesemem bar talyp hakym.
Ýeketägmi gorawersin Biribar,
Sen meniñ iñ uly baýlygym eje!

Gülnabat BEGENJOWA.