Главная » 2022 » Sentýabr » 10 » Aýna bilen Maýmyn
17:33

Aýna bilen Maýmyn

AÝNA BILEN MAÝMYN

Bir Maýmyn aýnada görüp synasyn,
Tak edip, Aýynyň böwrüne kakdy.
"Seret, jora! - diýdi synlap syratyn -
Bu betnyşan nirden gelip ýolukdy?
Bir gör, onuň mysalasyn!
Şony ýeri, kim halasyn?
Eger şoňa meňzeş bolsam sähelçe,
Ölerdim namysdan, gynanman gylça.
Emma welin alsak boýun,
Barmagym bilen men sanaýyn.
Meniň gudalamdan bäş-alty sany
Bar şu hili betnyşany."
Diýdi Aýy: "Sanap zähmet çekenden,
Dostum, öz ýüzüňe seretmek gerek.
Olar üýtgeşik däl senden."
Emma Aýyň sözi gitdi biderek.
Dünýäde köp bolýar şu hili mysal:
Öz aýby barada hiç kimde ýok müýn.
Parahor Klimyç alýar mal,
Gözüm bilen gördüm düýn.
Diýseň oňa parahorlyk barada,
Ol Pýotra ümleýär şu iki arada.

Iwan KRYLOW.

Terjime eden Hajy YSMAÝYLOW.
Goşgular
Категория: Goşgular | Просмотров: 399 | Добавил: Haweran | Теги: Iwan Krylow | Рейтинг: 5.0/1
Awtoryň başga makalalary

Goşgular bölümiň başga makalalary

√ Eýledi ýar meni dert ile awara, medet... / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025
√ Dünýä maňa aşyk bolsun! / Goşgular - 07.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Lolular / Goşgular - 08.01.2025
√ Ýaraly ýüregiň owazy / Goşgular - 22.01.2025
√ Şaglawuk / Goşgular - 02.01.2025
√ Meýdan güli / Goşgular - 30.01.2025

Teswirleriň ählisi: 2
0
1 Remezan  
1397
Bir wagt okapdym gowy goşgy

0
2 Yusup  
50
Bir ýaşuly bardy obada. Ömrüni gara işde orslaryň bilen işläp geçiren. Pensiýa çykandan soň mal-mellek bilen boldy. Diňe rusça kitap okardy. Ýokary bilimi ýok. "Näme okamadyň" diýip sorasaň. "Nämeüçin okaýyn 700 manat aýlyk alyp gezdim" diýerdi. "Akmämmeden" günelik normajygy bilen habarlydy. Okumuş, köp bilýän adamdy. Ors mullumyz "Siz ors dilinde aksentsiz gürleýäňiz, Orsýetde köp bolduňyzmy." diýip sorany ýadymda.
Şol ýaşuly keýpiniň kök wagty orsça aýdyma hiňlenerdi. Goşgy, basniýa aýdyp bererdi biz oglanjyklara.

"Bir maýmyn özüni görüp aýnada.
Tyrk edip aýnanyň böwrüne kakdy.
Bu betnyşan nirden gelip ýolukdy?..."

Başgada:
"Bir gök dup kenara berýärdi görk.
Bilinede altyn zynjy oralan.
Şol zynjyryň üstünde bir okumuş pişik,
Her ýana ýöräp etýärdi oýun.
Sagyna gidende ol aýdym aýtýar.
Ertkeki otaryp çepine gaýtýar."

Gojanyň aýdyp beren oglanlykda ýatda galan setirler.

Teswiri diňe saýta agza bolan ulanjylar goşup bilýär.
[ Agza bol | Saýta gir ]