Syçan bilen Alaka

SYÇAN BILEN ALAKA

Syçan ylgap gelip, diýdi Alaka:
"Eşitdiňmi, hoş söz ýaýrapdyr halka -
Şiriň penjesine düşüpmiş pişik,
Açyldy indi bagtymyz.
Tapmaýarmyş indi çykmaga deşik.
Geldi ýaýnajak wagtymyz."
"Begenme, dostum Syçan"
Diýip Alaka aýtdy:
"Boş söze gitme hiç haçan.
Onda Şiriň hem gör işi gaýtdy.
Pişik ony lak-luk atar.
Çünki pişik güýçli hemmeden beter."

* * *

Men köp gördüm, syn edene bildirer.
Eger gorkak haýsy zatdan gorksa,
Diýýär: "Bütin dünýä edýändir heder,
Eger şoňa ýoluksa."

Iwan KRYLOW.

Terjime eden Hajy YSMAÝYLOW