Tebärek, Alla, eger dilber ise, anjak ola...

Tebärek, Alla, eger dilber ise, anjak ola,
Gözeller içre bu gün serwer ise, anjak ola.

Çü düşdi şowky ruhy afytaby çehresiniň,
Jahana berdi zyýa enwer ise, anjak ola.

Saçyndan oldy mugattar demagy ruýy jahan,
Abyry-müşk ile bu anbar ise, anjak ola.

Hezar ýerde diler synasyny uşşakyň,
Hadaňy-gamzalary hanjar ise, anjak ola.

Dilinde şam-u säher Mähriniň budur zikri,
Tebärek, Alla, eger dilber ise, anjak ola.