Göreş

GÖREŞ

Merdem durup, ykbal bilen göreşdim,
Harmandäli saýyp özüm-özümi.
Ärler-pirler gelip dem salmasa-da,
Keramatly saýdym iýen duzumy.

Döredesim gelip çyn adam keşbin,
Duýgularmy saljak bolup galyba.
Durmuşdan öwrendim öwrenen zadym,
Kä derwüşe meñzäp, käte talyba.

Ýöne, käte duýgularma erk etmän,
Dagdyr-deñizden däl, aşyp hetdimden,
Öz keşbimi doly başarmasam-da,
Adam bolmakdanam öte geçdim men.

Göräýmäge kaýyl bolup kysmata,
Ykbalymdan gezmesem-de,
nala-ýa.
Gün deý ýaşyp, Aý dek dogasym gelip,
Darkaş gurdum öñ ýazylan täleýe.

Gyzylgül ANNAGYLYJOWA.