Главная » 2021 » Oktýabr » 12 » Pikir derýasy
05:52

Pikir derýasy

PIKIR DERÝASY

Kenarynda mesgen tutdum bu derýañ,
Bolsadynyñ baglaryny ekdim-de.
Kiçijek, içine giñ dünýä sygjak,
Hyýalymda bir öýjagaz dikdim-de.

Käte arzuw ummanynda azaşyp,
Ýitip giden böleklermi tapmasam,
Balykçy mysaly çeññegim oklap,
Bu derýadan öz-özümi topladym.

Bu derýada ýüzüp ýören pikirlem,
Iri-külke,käte altyn balykdy.
Käte bolsa düşüp gara girdaba,
Urundy jan suwsuz galan balyk deý.

Şonda meni halas eden girdapdan,
Adamlar däl, ol keremli Halykdy.
Sebäbi, bu derýa meñ dünýäm üçin,
Adamlardan alysdaky şalykdy.

Gyzylgül ANNAGYLYJOWA.

Goşgular
Категория: Goşgular | Просмотров: 420 | Добавил: Gumlygelin | Теги: Gyzylgül Annagylyjowa | Рейтинг: 4.8/5
Awtoryň başga makalalary

Goşgular bölümiň başga makalalary

√ Ýa Biribar / Goşgular - 30.01.2025
√ Ýaraly ýüregiň owazy / Goşgular - 22.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Oňşuksyz öý / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ "Ýene-de daň atdy..." / Goşgular - 01.01.2025
√ Meýdan güli / Goşgular - 30.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025

Teswirleriň ählisi: 3
0
1 Bilbil  
938
Gyzylgül gelneje, ylhamyňyza bereket, elleriňize güller bitsin!

0
2 Allanazar  
878
Oňat setirler, höwri köp bolsun.

1
3 mango  
651
Käte arzuw ummanynda azaşyp,
Ýitip giden böleklermi tapmasam,
Balykçy mysaly çeññegim oklap,
Bu derýadan öz-özümi topladym.

gowy goşgy Gyzylgül hanym.
(pikirimçe) böleklere bölünmegiň gorkunç göründi. ýogsa ol bölekler seniň pikir-hyýalyňamdyr welin...
ýöne, özüň özüňi derýadan çykarmagyň gyzykly bir zat bolupdyr.
---
Sebäbi, bu derýa meñ dünýäm üçin,
Adamlardan alysdaky şalykdy.

Allah barada "älemleriň Rabby" diýilýär.
şol "älemleriň" diýýän ýerine üns çekesim gelýär.
biziň umumy bilýän älemimezem bir topar älemlere bölünýär... asmandaky janlylaryň älemi, toprak astyndaky janlylaryň älemi, suwdakylaryň älemi, jynlar älemi, biziň älemimiz... biziň älemimizde-de näçe ynsan bolsa şonça-da älem bar... gyzylgüliň älemi, mangoň älemi, siziň her biriňiziň älemi.... ol älemleriň ählisini eýesi, terbiýe edijisi, Rabby bar...
uly bir älem, kiçijek sanýetmez älemlere bölünýär.
hersi tapawutly, hersi goragly, serhetli....
goşgyň soňlamasy bu zatlary kellä getirdi...
minnetdar.
üstünlikler.

Teswiri diňe saýta agza bolan ulanjylar goşup bilýär.
[ Agza bol | Saýta gir ]