Главная » 2018 » Iýul » 15 » Kanagatly kalp ber, nur bilen ýuwlan
11:57

Kanagatly kalp ber, nur bilen ýuwlan

KANAGATLY KALP BER NUR BILEN ÝUWLAN

Maña çenden aşa ötgür göz gerek,
Ýamanlaryñ ýagşy ýerin gözläre.
Örän süýji, baldan datly söz gerek,
Kalba damjak şirin sözler sözläre.

Dünýe ýaly giñ göwün ber, açylsyn,
Göwündeşe göwnüm içre ýerläre.
Abraýym ryskymdan artyk eçilsin,
Egnim gysman il içinde gürläre.

Kimse gaýrat dilär, meñ dilegim gül,
Daş zyñanyñ garşysyna zyñmaga.
Namardyñ öñünde gaýrat derkar däl,
Güýjüm ýetse besdir ýene dymmaga.

Yşk ber, tüsseläp däl, közli söýmäge,
Çünki, men dünýäde yşk diýip doglan.
Dymsam Haka ýakynlygym duýmaga,
Kanagatly kalp ber, nur bilen ýuwlan.

Gyzylgül ANNAGYLYJOWA.
Goşgular
Категория: Goşgular | Просмотров: 724 | Добавил: Gumlygelin | Теги: Gyzylgül Annagylyjowa | Рейтинг: 3.8/4
Awtoryň başga makalalary

Goşgular bölümiň başga makalalary

√ Dostum, arz et jemalyň, janymyz bolsun fereh... / Goşgular - 04.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Şaglawuk / Goşgular - 02.01.2025
√ Oňşuksyz öý / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Meýdan güli / Goşgular - 30.01.2025
√ Eýledi ýar meni dert ile awara, medet... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Ýagşy niýetler / Goşgular - 08.01.2025

Teswirleriň ählisi: 5
0
1 Gumlygelin  
8
Azabym üçin belki hoş sözem derkardyr...Kämilleşmek üçin ýerlikli tankydy bellik has gereklidir

0
2 kerimkafka  
37
Gumly gelin hakda diñe aýdym aýdaýmasak, nädip tankyt ýazjagymam bilemok:-)
Gaýtam tersine, awtorda zehin kän-de, zähmet ýetenok. Birinji hem dördünji bentler - eseriñ gelşigi bolupdyr. Üstesine-de, şolar başaşa ýazylan. Beýleki ikisi tagaşyksyz ýañlanýar, üstesine-de boşaşa. Şol bir pikiri başgaçarak, zähmet siñdirilip gaýtadan ýazylsa, gowy bolaýjak ýaly.
«Dymmaga» iki gezek, özem indiki setirinde gaýtalanýar welin, şolam bir tüýsli gelişmändir.
Aslynda, dymmak, dogrudanam, iñ köp güýç talap edýän zat bolsa gerek. Şu saýtda şoña göz ýetirdim.
Göwündeşe däl-de, göwündeşi  bolaýmasyn?
Goşgyny haladym. Pähim-paýhas bilen ýazylan.
Galamyñyz ýiti bolsun!

0
3 Gumlygelin  
8
Dymmagyñ iñ ýagşy dermandygny ýaşyñ goýalşanda bilýär ekeniñ...

Belliklerñiz üçin sag boluñ...

0
4 Garayolly  
Oziniñ derwayys dilegleri bilen okyjyny okyjyny hayryñ merkezine sary itekleyan cuñ mazmunly shygyr. Howri kop bolsun,uyam!

0
5 Shapak_A  
36
Galamynyz yiti bolsun!

Teswiri diňe saýta agza bolan ulanjylar goşup bilýär.
[ Agza bol | Saýta gir ]